ਹਾਇਕੂ–ਬਬਾਣ / ہائیکو- ببان

ਬਾਬੇ ਦਾ ਮਰਗ
ਕੋਠੜੀ ਤੋਂ ਕੱਢ
ਸ਼ਿੰਗਾਰਿਆ ਬਬਾਣ

- ਪ੍ਰੋਫੈਸਰ ਕਵਲਦੀਪ ਸਿੰਘ ਕੰਵਲ

~~~~~~~~~

بابے دا مرگ
کوٹھڑی توں کڈھ
شنگاریا ببان

- پروفیسر کولدیپ سنگھ کنول

ਹਾਇਕੂ–ਮਿੱਟੀ / ہائیکو–مٹی

ਸਸਕਾਰ ਤੋਂ ਮਗਰੋਂ
ਭੁਆ ਕੇ ਕੰਡ
ਝਾੜਦਾ ਮਿੱਟੀ

- ਪ੍ਰੋਫੈਸਰ ਕਵਲਦੀਪ ਸਿੰਘ ਕੰਵਲ

~~~~~~~~~~

سسکار توں مگروں
بھوا کے کنڈ
جھاڑدا مٹی

- پروفیسر کولدیپ سنگھ کنول

Freedom

The territory of one's freedom ends where the territory of same of someone else's starts.

- Prof. Kawaldeep Singh Kanwal

ਤੱਤਾ ਤਰਕ

- ਪ੍ਰੋਫੈਸਰ ਕਵਲਦੀਪ ਸਿੰਘ ਕੰਵਲ

ਤੱਤਾ ਤਰਕ ਅੰਧਾ ਕੀਆ, ਅੱਖੀਆਂ ਗਈ ਚੁੰਧਿਆ |
ਸੂਰਜ ਕੋ ਦੀਆ ਬਾਂਟਤਾ, ਨਾ ਮਾਨੂੰ ਕੀ ਰਟੀ ਲਗਾ |
ਮੈਂ ਨਾ ਮੈਨੂੰ ਕੁਰਲਾ ਰਹਾ, ਜਾਨੇ ਸਭਨ ਕੋ ਢੋਰ |
ਸ਼ਤ ਸ਼ਤ ਕਰੇ ਸ੍ਵੈਅੰ ਕੋ, ਮਾਨੇ ਤੱਤ ਨਹਿ ਔਰ |
ਲਾਂਛਨ ਬਰਖਾ ਬਰਖਤੀ, ਮਤਿ ਭਰੀ ਦੁਰਗੰਧ |
ਸ਼ਾਂਖ ਬੈਠ ਜੜ੍ਹ ਕਾਟ ਰਹਾ, ਹੂਆ ਤਰਕ ਕਾ ਅੰਧ |

ਭਾਲ / بھال

ਫ਼ਲਸਫ਼ਿਆਂ ਨੂੰ ਫਰੋਲਦਿਆਂ ਗਵਾਚੀ ਜੋ ਜ਼ਿੰਦਗੀ
ਕਾਸ਼ ਖੁੱਦ ਨੂੰ ਟਟੋਲਦਾ ਕਦੇ ਸੱਚ ਦੀ ਭਾਲ ਵਿੱਚ

- ਪ੍ਰੋਫੈਸਰ ਕਵਲਦੀਪ ਸਿੰਘ ਕੰਵਲ

فلسفیاں نوں پھرولدیاں گواچی جو زندگی
کاش کھدّ نوں ٹٹولدا کدے سچ دی بھال وچّ

- پروفیسر کولدیپ سنگھ کنول

ਗੁਰੂ

- ਪ੍ਰੋਫੈਸਰ ਕਵਲਦੀਪ ਸਿੰਘ ਕੰਵਲ

ਜੇਕਰ ਅਧਿਆਤਮਕ ਜਗਤ ਨੂੰ ਜਾਣੀਏ ਤਾਂ ਇੱਕ ਬੇਹੱਦ ਸਪਸ਼ਟ ਵਿਚਾਰ ਹੈ - ਗੁਰੂ ਅਖਵਾਇਆ ਗੁਰੂ ਨਹੀਂ ਹੁੰਦਾ, ਗਰੂ ਸਵੀਕਾਰਿਆਂ ਗੁਰੂ ਹੁੰਦਾ ਹੈ ! ਉਸੇ ਤਰ੍ਹਾਂ ਹੀ ਜਿਵੇਂ ਡਾਕਟਰ, ਇੰਜੀਨੀਅਰ, ਪ੍ਰੋਫੈਸਰ, ਵਕੀਲ ਇਤਿਆਦਿਕ ਅਖਵਾਇਆਂ ਨਹੀਂ ਬਲਕਿ ਕਿਸੇ ਯੂਨੀਵਰਸਿਟੀ ਜਾਂ ਅਧਿਕਾਰਿਤ ਸੰਸਥਾ ਵਲੋਂ ਡਿੱਗਰੀ ਜਾਂ ਪਦਵੀ ਦੇ ਕੇ ਸਵੀਕਾਰਿਆਂ ਹੀ ਇਹ ਸਭ ਬਣੀਦਾ ਹੈ ! ਹਾਂ ਅਧਿਆਤਮ ਵਿੱਚ ਕੋਈ ਡਿੱਗਰੀ ਜਾਂ ਪਦਵੀ ਨਹੀਂ ਹੁੰਦੀ, ਸਿਰਫ਼ ਪੂਰਨ ਸਮਰਪਣ ਸਹਿਤ ਸਵੀਕ੍ਰਿਤੀ ਹੁੰਦੀ ਹੈ ਜਿਸਦਾ ਅਧਾਰ ਆਪਣੇ ਗੁਰੂ 'ਤੇ ਭਰੋਸਾ ਹੁੰਦਾ ਹੈ |

ਸੰਵਿਧਾਨ ਤੇ ਸੋਧ

ਅਗਰ ਆਪ ਕਿਸੇ ਵੀ ਸੰਵਿਧਾਨ ਵਿੱਚ ਸੋਧ ਕਰਵਾਉਣੀ ਚਾਹੁੰਦੇ ਹੋ ਤਾਂ ਆਪਨੂੰ ਪੁਰਾਣੇ ਸੰਵਿਧਾਨ ਵਿੱਚ ਪੂਰਨ ਨਿਸ਼ਚਾ ਪ੍ਰਗਟਾ ਕੇ ਹੀ, ਸੰਵਿਧਾਨ ਘੜਨੀ ਸਭਾ ਵਿੱਚ ਬੈਠ ਕੇ, ਸੰਵਿਧਾਨ ਅਨੁਸਾਰ ਹੀ ਚਲਣ ਕਰ ਕੇ ਸੋਧ ਕਰਵਾਉਣ ਦਾ ਹੱਕ ਮਿਲੇਗਾ | ਜੇਕਰ ਆਪ ਉਸ ਸੰਵਿਧਾਨ ਵਿੱਚ ਨਿਸ਼ਚਾ ਹੀ ਨਹੀਂ ਰੱਖਦੇ ਫੇਰ ਆਪ ਉਸਨੂੰ ਸੋਧਣ ਦਾ ਵੀ ਕੋਈ ਹੱਕ ਨਹੀਂ ਰੱਖਦੇ !

- ਪ੍ਰੋਫੈਸਰ ਕਵਲਦੀਪ ਸਿੰਘ ਕੰਵਲ

अहं ब्रह्मास्मि

- प्रोफैसर कवलदीप सिंघ कंवल

नेति हु श्रृष्टि ||
नेति सब द्रिष्टि ||
नेति रे भोग ||
नेति सब सोग ||
नेति सकल आकृति समाना ||
नेति सरस प्रकृति बिधनाना ||
नेति धर्म वेद बहु ग्रंथ ||
नेति कर्म भेद तप मंथ ||
नेति दैव अदैव संसारा ||
नेति पारा नेति हु अपारा ||
नेति स्वर्ग नर्क बहु-लोका ||
नेति आकाश पिंड गंग-स्रोता ||
नेति राग रूप बहुरंगा ||
नेति द्वेष शेष उमंगा ||
नेति प्रकट भया आकार ||
नेति अप्रकट निराकार ||
नेति नेति अहं ||
ब्रह्म अहं अस्मि ||
अहं ब्रह्मास्मि ||

ਇਧਰਲੀਆਂ ਉਧਰਲੀਆਂ / ادھرلیاں ادھرلیاں

- ਪ੍ਰੋਫੈਸਰ ਕਵਲਦੀਪ ਸਿੰਘ ਕੰਵਲ

ਹਨੇਰਾ ਆਖਦਾ ਚਾਨਣ ਤੋਂ ਮੈਂ ਡਰਾਂ ਨਾਹੀਂ
ਇਹ ਗੱਲਾਂ ਹੁਣ ਹੋ ਗਈਆਂ ਪੁਰਾਣੀਆਂ ਜੀ

ਚਿੱਟੇ ਕੱਪੜੇ ਪਾ ਕੇ ਪਾਉਣਾ ਨਕਾਬ ਚਿੱਟਾ
ਲਾਟਾਂ ਗਿਆਨ ਦੀਆਂ ਖੂਬ ਜਗਾਉਣੀਆਂ ਜੀ

ਲਾ ਕੇ ਨਾਰ੍ਹੇ ਖਿੱਚਵੇਂ ਚਾਨਣ ਜੇਬ੍ਹ ਰੱਖਣਾ
ਤਰਕੀਬਾਂ ਸਾਰੀਆਂ ਅਸਾਂ ਇਹ ਜਾਣੀਆਂ ਜੀ 

ਮੰਤਰੀ ਲੀਡਰ ਸਰਮਾਏਦਾਰ ਨਾਲ ਲੈ
ਸੁੱਚੀਆਂ ਲੁੱਟਾਂ ਅਸਾਂ ਰਲ ਮਚਾਉਣੀਆਂ ਜੀ

ਵੰਡ ਮਜ਼ਹਬਾਂ ਨੂੰ ਲਾ ਕੇ ਬਹੁਰੰਗੇ ਝੰਡੇ
ਅਸੀਂ ਜੜ੍ਹਾਂ ਧਰਮ ਦੀਆਂ ਹਿਲਾਉਣੀਆਂ ਜੀ

ਨੀਲਾ ਭਗਵਾਂ ਹਰਾ ਬਦਲ ਬਦਲ ਪਾਣੇ
ਲਾਲ ਪਾ ਕੇ ਕੈਟ-ਵਾਕ ਕਰਾਉਣੀਆਂ ਜੀ

ਨਿੱਤ ਨਵੀਂ ਖੇਡ ਤੇ ਵੱਖਰੀ ਜੁਗਤ ਲਾਣੀ
ਅਸੀਂ ਕਲਾਬਾਜ਼ੀਆਂ ਰੌਜ਼ ਵਿਖਾਉਣੀਆਂ ਜੀ

ਰਾਤੀਂ ਛੱਕ ਕਬਾਬ ਪਹਿਲੀ ਤੌੜ ਲਾਉਣੀ
ਇੱਕਠੇ ਬਹਿ ਫੇਰ ਵੰਡੀਆਂ ਪਾਉਣੀਆਂ ਜੀ

 
~~~~~~~~~~~~~~~~~~~~~~~~~~~~~~~~~~~~

- پروفیسر کولدیپ سنگھ کنول

ہنیرا آکھدا چانن توں میں ڈراں ناہیں
ایہہ گلاں ہن ہو گئیاں پرانیاں جی

چٹے کپڑے پا کے پاؤنا نقاب چٹا
لاٹاں گیان دیاں خوب جگاؤنیاں جی

لا کے نعرے کھچویں چانن جیبہ رکھنا
ترکیباں ساریاں اساں ایہہ جانیاں جی 

منتری لیڈر سرمائیدار نال لے
سچیاں لٹاں اساں رل مچاؤنیاں جی

ونڈ مذہباں نوں لا کے بہرنگے جھنڈے
اسیں جڑھاں دھرم دیاں ہلاؤنیاں جی

نیلا بھگواں ہرا بدل بدل پانے
لال پا کے کیٹ-واک کراؤنیاں جی

نت نویں کھیڈ تے وکھری جگت لانی
اسیں قلابازیاں روز وکھاؤنیاں جی

راتیں چھکّ کباب پہلی توڑ لاؤنی
اکٹھے بہہ پھیر ونڈیاں پاؤنیاں جی

ਤੋਹਮਤਾਂ

- ਪ੍ਰੋਫ਼ੈਸਰ ਕਵਲਦੀਪ ਸਿੰਘ ਕੰਵਲ

ਆਫ਼ਰਿਆ ਧਰਮ ਫਿਰੇ ਫਲਸਫ਼ੇ ਨੂੰ ਉੱਲਟੀਆਂ
ਅਗਦ ਹੈ ਸ਼ੈਤਾਨ ਦਾ ਜੁੜ੍ਹੀ ਖੁਦਾਈ ਤੋਹਮਤਾਂ

ਮਾਂਵਾਂ ਭੈਣਾਂ ਧੀਆਂ ਸੱਭੇ ਸਰੇ ਬਜ਼ਾਰ ਰੋਲੀਆਂ
ਸੂਰਿਆਂ ਦੀ ਕੌਮ ਵੇਖੋ ਸੂਰਮਤਾਈ ਤੋਹਮਤਾਂ

ਗੰਦਗੀ ਦੇ ਢੇਰ ਤੁਰੇ ਸੜ੍ਹਾਂਦ ਹੀ ਸੜ੍ਹਾਂਦ ਹੈ
ਬਦਬੂ ਭਰੇ ਜ਼ਿਹਨ ਸੋਚ ਮੁਕਾਈ ਤੋਹਮਤਾਂ

ਚੌਧਰਾਂ ਦੀ ਭੁੱਖ ਸਾਰੀ ਗੁਮਾਨ ਦਾ ਗੁਬਾਰ ਹੈ
ਕਪਟ ਦੀ ਲੈ ਸੰਥਿਆ ਵਿਦਵਤਾਈ ਤੋਹਮਤਾਂ

ਬੇਸ਼ਰਮੀ ਦੇ ਸਾਜ਼ ਉੱਤੇ ਨੀਚਤਾ ਦੀ ਰਾਗਣੀ
ਕੂੜ੍ਹ ਦੀ ਮਜਲਿਸਾਂ ਗਾਵਣ ਰੁਬਾਈ ਤੋਹਮਤਾਂ

ਉਛਾਲੋ ਮਿਲ ਕੇ ਇਜ਼ਤਾਂ ਵਜੂਦ ਜੋ ਹਲੂਣਦਾ
ਚਿੱਕੜ ਦਿਨ-ਰਾਤ ਰੈਣ-ਸੁਬ੍ਹਾਈ ਤੋਹਮਤਾਂ

ਵਿਚਾਰ ਦੀ ਵਿਚਾਰ ਸੰਗ ਕਾਟ ਜਦ ਹੋਈ ਨਾ
ਝੂਠ ਦਾ ਬਾਰੂਦ ਲੈ ਫਾਇਰ ਹਵਾਈ ਤੋਹਮਤਾਂ

ਬੋਲਿਆ ਜੇ ਸੱਚ ਹੈ ਸਲਾਮਤੀ ਦੀ ਆਸ ਛੱਡ
ਦੁਰਕਾਰਾਂ ਦੀ ਖੈਰਾਤ ਦੰਦ-ਘਸਾਈ ਤੋਹਮਤਾਂ