ਮੇਘ / میگھ

- ਪ੍ਰੋਫ਼ੈਸਰ ਕਵਲਦੀਪ ਸਿੰਘ ਕੰਵਲ

ਸਾਵਣ ਨੀਂ ਸੰਗਰਾਂਦ
ਰਿਮਝਿਮ ਵੱਸੇ ਮੇਘ
ਠੰਢ ਹੀਐ ਨੀਂ ਪਾਈ

~~~~~~

- پروفیسر کولدیپ سنگھ کنول

ساون نیں سنگراند
رمجھم وسے میگھ
ٹھنڈھ ہیئے نیں پائی

ਟੱਪੇ - ٹپے

- ਪ੍ਰੋਫ਼ੈਸਰ ਕਵਲਦੀਪ ਸਿੰਘ ਕੰਵਲ

ਗੀਤ ਪਿਆਰ ਵਾਲੇ ਗਾਇਆ ਕਰੋ
ਮਹਿਫ਼ਿਲਾਂ ਲਾਉਣ ਵਾਲਿਓ
ਕਦੇ ਸਾਡੇ ਵਿਹੜੇ ਆਇਆ ਕਰੋ ...

ਗੀਤ ਰਲ ਮਿਲ ਗਾਈਏ ਜੀ
ਭਰੇ ਦਿਨ ਕੁੰਡੇ ਮਾਰਦੇ
ਅਸੀਂ ਕਿੰਝ ਲੰਘ ਆਈਏ ਜੀ ...

ਪਾਣੀ ਲੰਘਿਆ ਲੰਘਾਇਆ ਕਰੋ
ਦਿੱਲ ਖੁੱਲ੍ਹਾ ਰੱਖਨੇ ਆਂ 
ਬੱਸ ਆਣ ਖੜਕਾਇਆ ਕਰੋ ...

ਚਲੋ ਮੁੱਕੀਆਂ ਮੁਕਾਈਏ ਜੀ
ਭੁੱਲ ਭੱਲ ਪਿੱਛਲੀਆਂ ਨੂੰ
ਆਓ ਗੱਲ ਲੱਗ ਜਾਈਏ ਜੀ ...

~~~~~~~~

- پروفیسر کولدیپ سنگھ کنول

گیت پیار والے گایا کرو
مہفلاں لاؤن والیو
کدے ساڈے ویہڑے آیا کرو ...

گیت رل مل گائیے جی
بھرے دن کنڈے ماردے
اسیں کنجھ لنگھ آئیے جی ...

پانی لنگھیا لنگھایا کرو
اسیں دلّ کھلھا رکھنے آں 
بسّ آن کھڑکایا کرو ...

چلو مکیاں مکائیے جی
بھلّ بھلّ پچھلیاں نوں
آؤ گلّ لگّ جائیے جی ...

- کنول

ਧਰਮ, ਅਧਰਮ, ਮਾਣਸ ਖਾਣੇ ?

- ਪ੍ਰੋਫ਼ੈਸਰ ਕਵਲਦੀਪ ਸਿੰਘ ਕੰਵਲ

ਸਰਕਾਰ ਦਾ ਕੋਈ ਧਰਮ ਨਾਲ ਸਰੋਕਾਰ ਨਹੀਂ ਪਰ ਲੋੜਵੰਦ ਨਾਗਰਿਕ ਨੂੰ ਬਚਾਉਣਾ ਸਰਕਾਰ ਦਾ ਧਰਮ ਹੈ, ਫ਼ੇਰ ਭਾਵੇਂ ਉਹ ਨਾਗਰਿਕ ਧਾਰਮਿਕ ਹੋਵੇ ਜਾਂ ਅਧਾਰਮਿਕ !

ਸੁਨਾਮੀ ਕਾਰਨ ਡੁੱਬ ਗਏ, ਭੂਚਾਲ ਵਿੱਚ ਕੁਚਲੇ ਗਏ, ਇਮਾਰਤ ਢਹਿਣ ਨਾਲ ਦੱਬ ਗਏ ਜਾਂ ਅੱਗ ਵਿੱਚ ਸੜ੍ਹ ਗਏ ਨਾਗਰਿਕਾਂ ਦੇ ਬਚਾਓ ਕਾਰਜ ਨੂੰ ਕਿਸੇ ਕੁਦਰਤੀ ਆਪਦਾ ਸਮੇਂ ਧਰਮ ਸਥਾਨ 'ਤੇ ਫੱਸ ਮਰੇ ਨਾਗਰਿਕਾਂ ਨਾਲੋਂ ਕਿਵੇਂ ਨਿਖੇੜ ਕੇ ਵੇਖਿਆ ਜਾ ਸਕਦਾ ਹੈ ? ਇਹ ਧਾਰਮਿਕਤਾ ਅਧਾਰਮਿਕਤਾ ਦੀ ਦੁਹਾਈ ਦਾ ਮਸਲਾ ਨਹੀਂ, ਮਨੁੱਖੀ ਸੰਵੇਦਨਾਵਾਂ ਦਾ ਮਸਲਾ ਹੈ, ਸਰਕਾਰ ਦੀ ਆਪਣੀ ਚੋਣ ਕਰਨ ਵਾਲੇ ਨਾਗਰਿਕਾਂ ਪ੍ਰਤੀ ਜ਼ਿੰਮੇਵਾਰੀ ਤੇ ਜਵਾਬਦੇਹੀ ਦਾ ਮਸਲਾ ਹੈ |

ਕਿਸੇ ਨੂੰ ਧਰਮ ਨਾਲ ਨਫ਼ਰਤ ਹੋ ਸਕਦੀ ਹੈ, ਮੰਨਿਆ ਜਾ ਸਕਦਾ ਹੈ, ਪਰ ਧਰਮ ਨੂੰ ਮੰਨਣ ਵਾਲੇ ਮਨੁੱਖਾਂ ਨਾਲ ਨਫ਼ਰਤ ਦੀ ਹੱਦ ਤੱਕ ਗਿਰ ਜਾਣਾ "ਮਾਣਸ ਖਾਣਿਆਂ" ਦਾ ਹੀ ਕਰਮ ਹੋ ਸਕਦਾ ਹੈ !

ਤੀਰਥਿ ਮਜਨ

- ਪ੍ਰੋਫ਼ੈਸਰ ਕਵਲਦੀਪ ਸਿੰਘ ਕੰਵਲ

ਤੀਰਥਿ ਮਜਨ ਨ ਮਲ ਗਈ
ਭੀਤਰ ਜੁ ਰਹੀ ਅਘਾਇ ||
ਭ੍ਰਮਤਿ ਭ੍ਰਮਤਿ ਬਉਰੇ ਭਏ
ਇਵਿ ਦੁਇ ਲੋਕ ਗਵਾਇ ||

Democracy, Law and Justice

- Prof. Kawaldeep Singh Kanwal

A democracy, supposed to be run by rule of law, so even the heinous of the criminals have right to be prosecuted by due procedures of law and have every right of appeal, as equally necessary as punishing an actual guilty, which is never seen as a weakness but the strength of a society, a civilization.

People who are giving the services of a council to even (prejudiced to be) guilty before trial in a manner help in ensuring fair trial, actually act as facilitators of true justice.

ਕੌਮੀ ਸ਼ਹੀਦ

- ਪ੍ਰੋਫ਼ੈਸਰ ਕਵਲਦੀਪ ਸਿੰਘ ਕੰਵਲ

ਸ਼ਹੀਦ ਲਫ਼ਜ਼ ਫ਼ਾਰਸੀ ਜ਼ੁਬਾਨ ਦਾ ਹੈ, ਜਿਸਦਾ ਅੱਖਰੀ ਮਤਲਬ ਹੈ ਗਵਾਹ, ਤੇ ਫ਼ਲਸੂਈ ਮਤਲਬ ਹੈ ਸੱਚ ਦੀ ਗਵਾਹੀ ਆਪਣੀ ਜਾਨ ਨਾਲ ਦੇਣ ਵਾਲਾ ...

ਬੇਸ਼ੱਕ ਅੱਜ ਸਾਰੇ ਪੰਜਾਬੀ ਜਾਣਦੇ ਨੇ ਕਿ ਲਗਭਗ ਪੂਰੀ ਪੰਜਾਬੀ ਕੌਮ ਸ਼ਰਾਬ ਅਤੇ ਹੋਰ ਨਸ਼ਿਆਂ ਵਿੱਚ ਬੁਰੀ ਤਰ੍ਹਾਂ ਗਲਤਾਨ ਹੋ ਨਕਾਰਾ ਹੋਣ ਦੀ ਹੱਦ ਤੱਕ ਤਬਾਹ ਹੋ ਚੁਕੀ ਹੈ, ਪਰ ਫ਼ੇਰ ਵੀ ਗਾਹੇ-ਬਗਾਹੇ ਆਪਣੇ ਇਸ ਸੱਚ ਤੋਂ ਮੁਨਕਰ ਹੋਣ ਦਾ ਰਾਹ ਭਾਲਦੇ ਰਹਿੰਦੇ ਹਨ, ਤੇ ਜੇ ਕੋਈ ਭੁੱਲ ਭੁਲੇਖੇ ਇਹ ਸੱਚ ਆਖ ਦੇਵੇ ਤਾਂ ਉਸਨੂੰ ਘਰ ਤੱਕ ਨੱਪਣ ਜਾਂਦੇ ਨੇ; ਪਰ ਇੱਕ ਸ਼ਖ਼ਸ਼ ਹੈ, ਜਿਸ ਨੇ ਸ਼ਰਾਬ ਨਾਲ ਰੱਜ ਕੇ ਸਰਹੱਦ ਪਾਰ ਕੀਤੀ, ਉਸੇ ਸ਼ਰਾਬ ਕਾਰਨ ਸਾਰੀ ਜ਼ਿੰਦਗੀ ਦੂਜੇ ਮੁਲਕ ਦੀ ਜੇਲ੍ਹ ਵਿੱਚ ਗਵਾ ਕੇ ਅੰਤ ਉਸੇ ਸ਼ਰਾਬ ਕਾਰਨ ਹੀ ਆਪਣੀ ਜਾਨ ਦੇ ਕੇ ਆਪਣੀ ਕੌਮ ਦੇ ਇਸ ਸੱਚ ਲਈ ਗਵਾਹੀ ਦਿੱਤੀ, ਫ਼ੇਰ ਇਸ ਮਹਾਨ ਕੁਰਬਾਨੀ ਬਦਲੇ ਕਿਉਂ ਨਹੀਂ ਹੋਵੇਗਾ ਉਹ ਮਹਾਨ ਸ਼ਖ਼ਸ਼ ਆਪਣੀ ਪੂਰੀ ਕੌਮ ਦਾ ਕੌਮੀ ਸ਼ਹੀਦ ??

ਮਿੰਨੀ ਕਹਾਣੀ - ਸ਼੍ਰੀ ਜਾਗਰੁਕਤਾ ਵਾਚ

-     ਪ੍ਰੋਫ਼ੈਸਰ ਕਵਲਦੀਪ ਸਿੰਘ ਕੰਵਲ

ਸ਼੍ਰੀ ਜਾਗਰੁਕਤਾ ਵਾਚ |

ਤੱਤ ਬਿਚਾਰ ਕਥ੍ਯਤੇ |

“ਜਾਗਰੂਕਤਾ ਜ਼ਿੰਦਾਬਾਦ ! ਪੁਜਾਰੀਵਾਦ ਮੁਰਦਾਬਾਦ ! ਕਰਮਕਾਂਡ ਮੁਰਦਾਬਾਦ !”

“ਬਿਲਕੁਲ ਸਹੀ ਕਿਹਾ ! ਪਰ ਉਦੇਸ਼ ਕੀ ਹੈ ?”

“ਕਰਮਕਾਂਡ ਤੇ ਪੁਜਾਰੀਵਾਦ ਦਾ ਖ਼ਾਤਮਾ !!”

“ਬਹੁਤ ਵਧੀਆ ! ਪਰ ਸ਼ੁਰੁਆਤ ਕਿਵੇਂ ਹੋਊਗੀ ?”

“ਕਿਵੇਂ, ਡੇਰਾਵਾਦ, ਕਰਮਕਾਂਡ ! ਮੇਟੋ, ਮੇਟੋ, ਡੇਰਾਵਾਦ !!”

“ਵਾਹ ! ਫ਼ੇਰ ?”

“ਅਨ-ਗ੍ਰੰਥ, ਕਰਮਕਾਂਡ ! ਮੇਟੋ, ਮੇਟੋ, ਅਨ-ਗ੍ਰੰਥ !!”

“ਸਤਿਬਚਨ !”

“ਰਾਗਮਾਲਾ, ਕਰਮਕਾਂਡ ! ਮੇਟੋ, ਮੇਟੋ, ਰਾਗਮਾਲਾ !!”

“ਜੀ !”

“ਸਿੱਖ ਰਹਿਤ ਮਰਿਆਦਾ, ਕਰਮਕਾਂਡ ! ਮੇਟੋ, ਮੇਟੋ, ਸਿਖ ਰਹਿਤ ਮਰਿਆਦਾ !!”

“ਕੀ?”

“ਵੱਖਰੀ ਹੋਂਦ, ਪੰਥ, ਕਰਮਕਾਂਡ ! ਮੇਟੋ, ਮੇਟੋ, ਵੱਖਰੀ ਹੋਂਦ !!”

ਹੈਂਅ ?”

“ਜਨਮ, ਅਨੰਦ, ਮ੍ਰਿਤਕ ਸੰਸਕਾਰ, ਕਰਮਕਾਂਡ ! ਮੇਟੋ, ਮੇਟੋ, ਸਭ ਸੰਸਕਾਰ !!”

“ਓਏ ?”

“ਕਕਾਰ, ਪਾਹੁਲ, ਕੇਸ, ਕਰਮਕਾਂਡ ! ਮੇਟੋ, ਮੇਟੋ, ਸਾਰੇ ਮੇਟੋ !!”

“ਕੀ ਕਹਿ ਰਹੇ ਹੋ ?”

“ਗੁਰੂ ਗ੍ਰੰਥ ਦਾ ਪ੍ਰਕਾਸ਼, ਕਰਮਕਾਂਡ ! ਮੇਟੋ, ਮੇਟੋ, ਗੁਰੂ ਗ੍ਰੰਥ ਦਾ ਪ੍ਰਕਾਸ਼ !! ”

“ਮੱਤ ਮਾਰੀ ਗਈ ਤੁਹਾਡੀ ?”

“ਭਗਤ ਬਾਣੀ,ਭੱਟ ਬਾਣੀ, ਕਰਮਕਾਂਡ ! ਮੇਟੋ, ਮੇਟੋ, ਸਾਰੀ ਬਾਣੀ !!”

“ਬੰਦ ਕਰੋ ਓਏ !”

“ਗੁਰੂ, ਗੁਰਮਤਿ, ਕਰਮਕਾਂਡ ! ਮੇਟੋ, ਮੇਟੋ, ਬੰਦ ਕਰੋ ਗੁਰੂ ਪੁਕਾਰ !!”

“ਬੱਸ $$$$$$, ਬੰਦ ਕਰੋ ਇਹ ਰੌਲਾ ਤੇ ਚੱਕੋ ਆਪਣਾ ਝੋਲਾ; ਭੱਠ ਪਵੇ ਉਹ ਜਾਗਰੁਕਤਾ ਜੋ ਗੁਰੂ ਤੁੜਾਵੇ !! ”

Dharma & Truth

- Prof. Kawaldeep Singh Kanwal

The whole existence is the embodiment of TRUTH, but its the human ego which encover the truthfulness with the worst of filth and give the misconception of its nonexistence; here comes the job for DHARMA to do the selfless task of scavenging to wipe the filth off and re-establish the manifestation of TRUTH ..

ਸਾਡਾ ਹੱਕ (ਮਿੰਨੀ ਕਹਾਣੀ) / ساڈا حق – منی کہانی

- ਪ੍ਰੋਫ਼ੈਸਰ ਕਵਲਦੀਪ ਸਿੰਘ ਕੰਵਲ

"ਸਾਡਾ ਹੱਕ !"

"ਓਏ ਕਿਹੜਾ ਹੱਕ ?"

"ਆਪਣੀ ਗੱਲ ਕਹਿਣ ਦਾ ਜਮਹੂਰੀ ਹੱਕ !"

"ਉਏ ਕਿਹੜੇ ਹੱਕ ਦੀ ਗੱਲ ਕਰਦੈਂ ਭੜੂਆ ? ਇਹ ਹੱਕ ਸੰਨ ਸੰਤਾਲੀ ਵਿੱਚ ਈ ਤੇਰੇ ਤੋਂ ਖੋਹ ਲਿਆ ਸੀ; ਯਾਦਦਾਸ਼ਤ ਕਮਜ਼ੋਰ ਹੈ ਜਾਂ ਪੰਜਾਹਵਿਆਂ ਤੋਂ ਛਿਹਾਠ ਤੇ ਸੱਤਰਵਿਆਂ ਤੋਂ ਨੱਬੇ ਦੇ ਦੌਰ ਭੁੱਲ ਗਿਆ; ਤੇਰੇ ਮੂੰਹ ਖੋਲਣ 'ਤੇ ਵੀ ਸੈਂਸਰ ਲੱਗਾ ਹੈ, ਰੱਖ ਜ਼ੁਬਾਨ ਬੰਦ, ਜੇ ਸਾਹ ਲੈਣ ਜੋਗਾ ਰਹਿਣਾ ਈ !"

.................. ਚੁੱਪ ..................

~~~~~~~~~ 

- پروفیسر کولدیپ سنگھ کنول

"ساڈا حق !"

"اوئے کہڑا حق ؟"

"اپنی گلّ کہن دا جمہوری حق !"

"اوئے کہڑے حق دی گلّ کردیں بھڑوآ ؟ ایہہ حق سنّ سنتالی وچّ ای تیرے توں کھوہ لیا سی؛ یادداشت کمزور ہے جاں پنجاہویاں توں چھہاٹھ تے سترویاں توں نبے دے دور بھلّ گیا؛ تیرے منہ کھولن 'تے وی سینسر لگا ہے، رکھ زبان بند، جے ساہ لین جوگا رہنا ای !"

.................. چپّ ..................

Logic and Truth

Any established logic is always prone to nullification by an improved logic in future, but its the Truth whose sovereignty remains unquestionable always.

Prof. Kawaldeep Singh Kanwal