Mythology

Mythology is anything but a provable truth with something termed as logic.

Mythical "Fairy Tales" are just a work of pure fiction, written or otherwise, made-up for numerous of hidden motives, with most prevalent is the controlling of the freedom of mind of the masses by creating some artificial realities, so that some class of people always be there to control the rest of the herd of people left behind, by manipulating their thought process and emotions, in order to use them in the benefits of controllers, wherever and whenever required.

ਜੇਕਰ ਮੈਂ ਕਵੀ ਹਾਂ

-ਪ੍ਰੋਫ਼ੈਸਰ ਕਵਲਦੀਪ ਸਿੰਘ ਕੰਵਲ

ਇੱਕ ਵਿਚਾਰ

ਸ਼ਬਦਾਂ ਨੂੰ ਕ਼ਤਲ ਕਰਨ ਦੀ ਚਾਹ ਨਾਲ ਅਤੀਤ 'ਚ ਵੀ ਤੇ ਹੁਣ ਵੀ ਸਮੇਂ ਦੇ ਸਰਦਾਰਾਂ ਨੇ ਲਹੂ ਨਾਲ ਖ਼ੂਬ ਹੱਥ ਰੰਗੇ ਹਨ ਤੇ ਭਵਿੱਖ ਵਿੱਚ ਵੀ ਸ਼ਾਇਦ ਇੰਜ ਵਾਰ-੨ ਦੇਖਣਾ ਪਵੇ ਜਿਹਨਾਂ ਨੂੰ ਲਿਖਦਿਆਂ-ਲਿਖਦਿਆਂ ਵਕ਼ਤ ਦੀ ਪੜਚੋਲ ਕਰਨ ਵਾਲੀ ਇਤਿਹਾਸ ਦੀ ਸਿਆਹੀ ਵੀ ਸ਼ਾਇਦ ਖ਼ੁੱਦ ਸਿਆਹ ਹੋ ਜਾਵੇ, ਪਰ ਅਖੀਰ ਸ਼ਬਦਾਂ, ਵਿਚਾਰਾਂ ਤੇ ਬੋਲਾਂ ਨੇ ਮੁੜ੍ਹ ਕੁਕਨੁਸ ਵਾਂਗੂੰ ਆਪਣੀ ਹੀ ਰਾਖ ਚੋਂ ਜੀਅ ਉੱਠਣਾ ਹੈ, ਭਾਵੇਂ ਇਨਸਾਨੀ ਸ਼ਰੀਰਾਂ ਨੇ ਤਾਂ ਸਵਾਹ ਦੀ ਢੇਰੀ ਹੀ ਰਹਿ ਜਾਣਾ ਹੈ...
-ਕਵਲਦੀਪ ਸਿੰਘ ਕੰਵਲ

ਰੱਬ ਬਣਨ ਦਾ ਚਾਅ

-ਕਵਲਦੀਪ ਸਿੰਘ ਕੰਵਲ

ਗੁਰੂ-ਘਰ

-ਕਵਲਦੀਪ ਸਿੰਘ ਕੰਵਲ

ਇੱਕ ਵਿਅੰਗ

(ਪੰਜਾਬੀ ਦੇ ਗਜ਼ਲਗੋਆਂ ਦੀ ਪਿੱਛਲੇ ਦਿਨੀ ਫੇਸਬੁੱਕ 'ਤੇ ਹੋਈ ਬੇ-ਸਿਰ-ਪੈਰੀ ਆਪਸੀ ਖਿੱਚ ਧੂਹ ਨੂੰ ਦੇਖ ਕੇ! )

ਗ਼ਜ਼ਲ ਕੀ ਹੈ?

1. ਗ਼ਜ਼ਲ = ਗੱਜ + ਨਜ਼ਲਾ

ਜਦੋਂ ਕੋਈ ਗੱਜ-ਵੱਜ ਕੇ ਕਿਸੇ ਤੇ ਆਪਣੀ ਤਥਾਕਥਿਤ ਬੌਧਿਕਤਾ ਦਾ ਨਜ਼ਲਾ ਸੁੱਟੇ ਉਸਨੂੰ ਫ਼ੇਰ ਸਾਡੇ ਵਰਗੇ ਅਨਪੜ੍ਹ ਗ਼ਜ਼ਲ ਆਖਦੇ ਹਨ !

2. ਦੂਸਰੇ ਅਰਥ ਇਹ ਵੀ ਹੋ ਸਕਦੇ ਹਨ ਕਿ

ਗਜ ਯਾਨੀ ਹਾਥੀ

ਨਜ਼ਲਾ ਯਾਨੀ ਜੁਕਾਮ

ਕਿਸੇ ਖ਼ੁੱਦ ਮਾਹਿਰ ਸਮਝਣ ਤੇ ਕਹਾਉਣ ਵਾਲੇ (ਮਤਲਬ ਕਿਸੇ ਪ੍ਰਸ਼ਾਦੀ ਹਾਥੀ) ਨੂੰ ਜਦੋਂ ਜੁਕਾਮ ਹੋ ਜਾਂਦਾ ਹੈ ਤਾਂ ਉਹ ਜਿਹੜੀ ਸੁਣੂ - ਸੁਣੂ ਕਰਦਾ ਹੈ, ਉਸਨੂੰ ਵੀ ਮੇਰੇ ਵਰਗੇ ਯੱਭਲੇ ਗ਼ਜ਼ਲ ਦੀ ਨਾਓ-ਵਾਚਕ ਸੰਘਿਆ ਨਾਲ ਨਿਵਾਜਦੇ ਹਨ |

ਤਾਜ਼ਾ ਖਬਰ:

ਇਸ ਵਿਅੰਗ ਨੂੰ ਪਹਿਲਾਂ ਫੇਸਬੁੱਕ 'ਤੇ ਛਪੇ ਕਮੈਂਟ ਰੂਪ 'ਚ ਪੜ੍ਹ ਕੇ ਇਹਨਾਂ ਜੰਗਾਂ 'ਚ ਮੋਢੀ ਰਹੇ ਇੱਕ ਗਜ਼ਲਗੋ ਨੇ ਮੈਨੂੰ ਆਪਣੀ ਫੇਸਬੁੱਕ ਦੀ ਫ੍ਰੈਂਡ ਲਿਸਟ 'ਚੋਂ ਨਿਕਾਲ ਦਿੱਤਾ, ਜਿਸ ਸਦਕਾ ਮਿਲੇ ਭਰਪੂਰ ਹੋਸਲੇ ਨਾਲ ਮੈਂ ਇਸ ਨੂੰ ਪੂਰਨ ਵਿਅੰਗ 'ਚ ਤਬਦੀਲ ਕਰ ਕੇ ਆਪਣੇ ਬਲੋਗ 'ਤੇ ਪਾ ਸਕਿਆ ਹਾਂ | ਸੋ ਇਸ ਅਥਾਹ ਹੋਸਲਾ ਅਫਜ਼ਾਈ ਦਾ ਸ਼ੁਕਰੀਆ ਵੱਖਰੇ ਤੋਰ 'ਤੇ ਕੀਤਾ ਜਾਂਦਾ ਹੈ !

ਠੱਗ ਘਰ ਲੁੱਟ ਲੈ ਜਾਵਣਗੇ !

-ਕਵਲਦੀਪ ਸਿੰਘ ਕੰਵਲ

ਮਿੱਟੀ ਦੇ ਵਿੱਚ ਪਗੜੀ ਰੋਲਣ,
ਕੀ ਸਿੱਖੀ ਸ਼ਾਨ ਬਚਾਵਣਗੇ?
ਲਾਣ ਮੋਰਚੇ ਫਰਾਂਸ ਨੂੰ ਲੈ ਕੇ,
ਘਰ ਵਿੱਚ ਸਿੱਖੀ ਖਾਵਣਗੇ |

ਲੱਗੀ ਸਿਉਂਕ ਪੰਥ ਨੂੰ ਭਾਰੀ,
ਅੰਦਰੋਂ ਅੰਦਰੀਂ ਮਿਟਾਵਣਗੇ |
ਓਏ ਸਿੱਖੋ ਹੁਣ ਤੇ ਜਾਗੋ,
ਠੱਗ ਘਰ ਲੁੱਟ ਲੈ ਜਾਵਣਗੇ |
(ਭਿੱਖੀ ਕਾਂਡ 'ਤੇ)

ਪਹਿਲਾਂ ਖੋਹੇ ਸਾਥੋਂ ਗੁਰਧਾਮ, ਹੁਣ ਖੋਹ ਲਈ ਸਾਥੋਂ ਬਾਣੀ !!
ਇਹਨਾਂ ਲੀਡਰ ਬਾਬਿਆਂ ਨੇ, ਬਸ ਪੰਥ ਮਿਟਾਣ ਦੀ ਠਾਣੀ !!
(ਕੱਚੀਆਂ ਧਾਰਨਾਵਾਂ)

ਬਾਬਾ ਤੇਰੀ ਕਮੇਟੀ ਨੇ, ਹੁਣ ਤੈਨੂੰ ਬਾਹਰ ਬਿਠਾ 'ਤਾ,
ਗਿਆਨ ਗੁਰੂ ਧੱਕ ਕੇ ਪਿੱਛੇ, ਗੋਲਕ ਨੂੰ ਮੱਥਾ ਟਿਕਾ 'ਤਾ |
ਕਿਰਤ ਤੇਰੀ ਛੱਡ ਕੇ ਇਹਨਾਂ, ਧਾਨ ਪੂਜਾ ਦੀ ਸਾਂਭੀ,
ਲਾਲੋਆਂ ਨੂੰ ਪੈਣਗੇ ਧੱਕੇ, ਮਲਕਾਂ ਨੂੰ ਹਾਕਮ ਬਣਾ 'ਤਾ |
(ਕਮੇਟੀ)

ऐसे तिस को पाया

-कवलदीप सिंघ कंवल

ਭ੍ਰਿਸ਼ਟਾਚਾਰ ਸੰਬੰਧੀ ਇੱਕ ਚਰਚਾ 'ਚ ਮੇਰੇ ਵਿਚਾਰ ...

-ਕਵਲਦੀਪ ਸਿੰਘ ਕੰਵਲ

ਅੱਜ ਇੱਕ ਸ਼ੋਸ਼ਲ-ਨੈਟਵਰਕ ਵਿੱਚ ਹੋਈ ਚਰਚਾ ਵਿੱਚ ਕਿਸੇ ਨੇ ਭ੍ਰਿਸ਼ਟਾਚਾਰ ਦਾ ਹੱਲ ਕੁਝ ਕੁ ਭ੍ਰਿਸ਼ਟਾਚਾਰੀ ਨੇਤਾਵਾਂ ਨੂੰ ਮਾਰਨਾ ਸੁਝਾਇਆ, ਜੋ ਮੇਰੀ ਜਾਚੇ ਨਿਰਾ ਖੋਖਲਾ ਜਜ਼ਬਾ ਹੈ, ਕੋਈ ਸੋਚ-ਸਮਝ ਕੇ ਚੱਲਣ ਵਾਸਤੇ ਚੁਣੀ ਹੋਈ ਸੇਧਦਾਇਕ ਸੋਚ ਨਹੀਂ ! 

ਭ੍ਰਿਸ਼ਟਾਚਾਰ ਸਾਡੇ ਸਭ ਦੇ ਖੂਨ ਵਿੱਚ ਹੈ, ਇਹ ਕਿਸੇ ਨੂੰ ਮਾਰਨ ਨਾਲ ਨਹੀਂ ਮੁੱਕੇਗਾ ! ਵੈਸੇ ਵੀ ਕਿਸ-ਕਿਸ ਨੂੰ ਮਾਰੋਗੇ? ਜਜ਼ਬਿਆਂ ਨਾਲ ਨਹੀਂ ਸੋਚ ਨਾਲ ਮੁੱਦੇ ਹੱਲ ਹੁੰਦੇ ਹਨ| ਜਜ਼ਬਿਆਂ 'ਚ ਵਹਿ ਕੇ ਹੀ ਪੰਜਾਬ ਨੇ ਬੜੀ ਜਵਾਨੀ ਗਵਾਈ ਹੈ | ਕਦੇ ਨਕਸਲੀ ਜਜ਼ਬੇ ਤੇ ਕਦੇ ਚੱਲੀਆਂ ਖਾਲਿਸਤਾਨੀ ਲਹਿਰਾਂ 'ਚ ਕੋਈ ਲੀਡਰ ਨਹੀਂ ਮਰਿਆ; ਤੇ ਨਾ ਹੀ ਇਹਨਾਂ ਦੇ ਪਰਿਵਾਰ ਦਾ ਕੋਈ ਨੌਜਵਾਨ ਭੇਟਾ ਚੜ੍ਹਿਆ | ਬਲਕਿ ਇਹਨਾਂ ਦਾ ਪਰਿਵਾਰ ਤਾਂ ਵਿਦੇਸ਼ਾਂ ਵਿੱਚ ਰਹਿ ਕੇ ਭਵਿੱਖ ਵਿੱਚ ਮਿਲਣ ਵਾਲੀ ਵਿਰਾਸਤੀ ਕੁਰਸੀ ਨੂੰ ਸਾਂਭਣ ਦੀ ਤਿਆਰੀ ਕਰਦਾ ਪਿਆ ਸੀ | ਜਿੰਨੇ ਵੀ ਇਹਨਾਂ ਜਜ਼ਬਾਤੀ ਵੇਲਿਆਂ 'ਚ ਮਾਰੇ ਗਏ ਸਭ ਕੰਮੀ ਗਰੀਬਾਂ ਦੇ ਘਰਾਂ ਦੇ ਨੌਜਵਾਨ ਹੀ ਸਨ | ਲੀਡਰ, ਜਾਂ ਤਾਂ ਮੰਤਰੀ ਬਣੇ ਜਾਂ ਫ਼ੇਰ ਕਿੰਗ-ਮੇਕਰ, ਮਾਰਿਆ ਕੋਈ ਵੀ ਨਹੀਂ ਗਿਆ ਕਦੇ ਇਹਨਾਂ 'ਚੋਂ, ਕਿਸੇ ਵੀ ਲਹਿਰ 'ਚ ਇੱਕਾ-ਦੁੱਕਾ ਨੂੰ ਛੱਡ ਕੇ !

ਫਿਰ ਸਵਾਲ ਉੱਠਦਾ ਹੈ ਕਿ ਇਹ ਮਸਲੇ ਕਿੱਦਾਂ ਹੱਲ ਹੋਣਗੇ? ਕਦੇ ਹੋਣਗੇ ਵੀ ਜਾਂ ਨਹੀਂ? ਇੱਦਾਂ ਹੀ ਚਲਦਾ ਰਹੇਗਾ ਕੀ ਸਭ ਕੁਝ?

ਕਦੋਂ ਹੋਣਗੇ, ਇਸ ਬਾਰੇ ਤਾਂ ਵੱਡੇ ਤੋਂ ਵੱਡਾ ਭਵਿੱਖਦਰਸ਼ੀ ਵੀ ਫ਼ੇਲ ਹੈ ! ਕਿਉਂਕਿ ਜਿਹੜੇ ਮਸਲੇ ਰੱਗ-੨ 'ਚ ਵਹਿੰਦੇ ਖ਼ੂਨ ਦੀ ਖ਼ਰਾਬੀ ਨਾਲ ਤਾਅਲੁੱਕ ਰੱਖਦੇ ਹੋਣ ਉਹ ਇੱਕ ਦਿਨ 'ਚ ਤਾਂ ਹੱਲ ਨਹੀਂ ਹੋ ਸਕਦੇ | ਜਜ਼ਬਾਤ ਨੂੰ ਲਾਂਭੇ ਰੱਖ ਕੇ, ਸਹੀ ਤੇ ਉਸਾਰੂ ਸੋਚ ਨਾਲ ਹੀ ਅੱਗੇ ਵਧਣਾ ਪੈਂਦਾ ਹੈ | ਸਾਡੀ-ਤੁਹਾਡੀ ਜ਼ਿੰਦਗੀ 'ਚ ਹੱਲ ਭਾਵੇਂ ਨਾ ਵੀ ਹੋ ਸਕਣ; ਪਰ ਆਓ, ਬਿਨਾ ਹੌਸਲਾ ਛੱਡਿਆਂ ਅਗਲੀ ਪੀੜ੍ਹੀ ਨੂੰ ਇੱਕ ਸਹੀ ਕੱਲ ਦੇ ਕੇ ਜਾਣ ਦੀ ਇੱਕ ਕੋਸ਼ਿਸ਼ ਕਰੀਏ !

ਸੂਰਜ ਜਿੰਨਾ ਨਾ ਹੋ ਸਕੇ ਤਾਂ ਨਾ ਸਹੀ ਪਰ ਇੱਕ ਜੁਗਨੂੰ ਜਿੰਨਾ ਤਾਂ ਚਾਨਣ ਕਰਨ ਦੀ ਕੋਸ਼ਿਸ਼ ਕਰ ਹੀ ਸਕਦੇ ਹਾਂ; ਤਾਂ ਕਿ ਕਿਸੇ ਲੰਘਦੇ-ਵੜ੍ਹਦੇ ਨੂੰ ਘੁੱਪ ਹਨੇਰੇ 'ਚ ਕੰਮ-ਸੇ-ਕੰਮ ਆਪਣੇ ਹੀ ਅੰਨ੍ਹੇ ਹੋਣ ਦਾ ਭੁਲੇਖਾ ਨਾ ਪੈ ਜਾਵੇ !

ਇੱਕ ਕਲੰਡਰ ਬਦਲਿਆ