-ਕਵਲਦੀਪ ਸਿੰਘ ਕੰਵਲ
ਮਿੱਟੀ ਦੇ ਵਿੱਚ ਪਗੜੀ ਰੋਲਣ,
ਕੀ ਸਿੱਖੀ ਸ਼ਾਨ ਬਚਾਵਣਗੇ?
ਲਾਣ ਮੋਰਚੇ ਫਰਾਂਸ ਨੂੰ ਲੈ ਕੇ,
ਘਰ ਵਿੱਚ ਸਿੱਖੀ ਖਾਵਣਗੇ |
ਲੱਗੀ ਸਿਉਂਕ ਪੰਥ ਨੂੰ ਭਾਰੀ,
ਅੰਦਰੋਂ ਅੰਦਰੀਂ ਮਿਟਾਵਣਗੇ |
ਓਏ ਸਿੱਖੋ ਹੁਣ ਤੇ ਜਾਗੋ,
ਠੱਗ ਘਰ ਲੁੱਟ ਲੈ ਜਾਵਣਗੇ |
(ਭਿੱਖੀ ਕਾਂਡ 'ਤੇ)
ਪਹਿਲਾਂ ਖੋਹੇ ਸਾਥੋਂ ਗੁਰਧਾਮ, ਹੁਣ ਖੋਹ ਲਈ ਸਾਥੋਂ ਬਾਣੀ !!
ਇਹਨਾਂ ਲੀਡਰ ਬਾਬਿਆਂ ਨੇ, ਬਸ ਪੰਥ ਮਿਟਾਣ ਦੀ ਠਾਣੀ !!
(ਕੱਚੀਆਂ ਧਾਰਨਾਵਾਂ)
ਬਾਬਾ ਤੇਰੀ ਕਮੇਟੀ ਨੇ, ਹੁਣ ਤੈਨੂੰ ਬਾਹਰ ਬਿਠਾ 'ਤਾ,
ਗਿਆਨ ਗੁਰੂ ਧੱਕ ਕੇ ਪਿੱਛੇ, ਗੋਲਕ ਨੂੰ ਮੱਥਾ ਟਿਕਾ 'ਤਾ |
ਕਿਰਤ ਤੇਰੀ ਛੱਡ ਕੇ ਇਹਨਾਂ, ਧਾਨ ਪੂਜਾ ਦੀ ਸਾਂਭੀ,
ਲਾਲੋਆਂ ਨੂੰ ਪੈਣਗੇ ਧੱਕੇ, ਮਲਕਾਂ ਨੂੰ ਹਾਕਮ ਬਣਾ 'ਤਾ |
(ਕਮੇਟੀ)
No comments:
Post a Comment