- ਪ੍ਰੋਫੈਸਰ ਕਵਲਦੀਪ ਸਿੰਘ ਕੰਵਲ
ਕਿਰਤ ਦੀ ਲੁੱਟ ਵੀ
ਅਜੀਬ ਲੁੱਟ ਹੁੰਦੀ ਹੈ
ਜੋ ਕਦੇ
ਲੁੱਟ ਮੰਨੀ ਹੀ ਨਹੀਂ ਜਾਂਦੀ;
ਤੇ ਨਾ ਹੀ ਏਸਨੂੰ
ਅੰਜਾਮ ਦੇਣ ਵਾਲੇ
ਕਿਸੇ ਕਨੂੰਨ ਅਨੁਸਾਰ
ਲੁਟੇਰੇ;
ਬਲਕਿ ਉਹ ਤਾਂ
ਸਭਿਅੱਕਾਂ ਦੀਆਂ
ਸਨਮਾਨਿਤ ਮਹਿਫਲਾਂ ਵਿੱਚ
ਸਭ ਤੋਂ ਉੱਚੇ
ਤੇ ਸਭ ਤੋਂ ਵੱਧ ਜੜੇ
ਸਿੰਘਾਸਨਾਂ ਦੀ
ਸ਼ੋਭਾ ਵਧਾਉਂਦੇ ਨੇ;
ਜਿਹਨਾਂ ਵੱਲ
ਦੇਖਣ ਲਈ ਵੀ
ਕਿਸੇ ਕਿਰਤੀ ਨੂੰ
ਆਪਣੀ ਧੋਣ ਦੇ
ਵੱਲ ਪੈਣ ਤੱਕ
ਉਤਾਂਹ ਝਾਕਣਾ ਪੈਂਦਾ ਹੈ !
~~~~~~~~~~~~~~~~~~~~~~~~~~~~~~~~~~
- پروفیسر کولدیپ سنگھ کنول
کرت دی لٹّ وی
عجیب لٹّ ہندی ہے
جو کدے
لٹّ منی ہی نہیں جاندی؛
تے نہ ہی ایسنوں
انجام دین والے
کسے قنون انوسار
لٹیرے؛
بلکہ اوہ تاں
سبھئکاں دیاں
سنمانت محفلاں وچّ
سبھ توں اچے
تے سبھ توں ودھ جڑے
سنگھاسناں دی
شوبھا ودھاؤندے نے؛
جہناں ولّ
دیکھن لئی وی
کسے کرتی نوں
اپنی دھون دے
ولّ پین تکّ
اتانہ جھاکنا پیندا ہے !
No comments:
Post a Comment